Plantun de Prouvènço

Pèr coumpara dos planto d'encò nostre

Rumex cristatus & Campanula cochleariifolia

Rumex cristatus

Polygonaceae

Noms en français : Patience à crêtes, Rumex à crêtes.

Descripcioun :
Aquesto paciènci es uno grando erbo di làrgi fueio en cor à la baso emé d'enflourejado longo e denso. Es uno planto que nous vèn di Balkan. Se recounèis bonodi si valvo tant larjo que longo (5 à 8 x 5 à 8 mm) e qu'an uno pichoto cresto.

Usanço :
Li fueio de la paciènci-à-cresto soun acampado e manjado dins soun pais d'óurigino (Grèço, Sicilo, Turquìo...). Jouino, li fueio podon èstre manjado cruso, mai pu vièio, soun proun amaro e li fau faire bouli (poussible emé de la). Ramentan que faudrié pas trop n'en manja malodi l'acide óussali.

Port : Grando erbo
Taio : 0,6 à 1,2(2) m
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Rumex
Famiho : Polygonaceae

Ordre : Caryophyllales

Coulour de la flour : Verdo
Petalo : 3
Ø (o loungour) flour : 4 mm
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Ribiero - Ermas - Camin
Estànci : Mesoumediterran
Couroulougi : Óurigino mediterranenco-Nord-Ouèst
Ref. sc. : Rumex cristatus DC., 1813

Campaneto(-à-fueio-de-ravanello)

Campanula cochleariifolia

Campanulaceae

Noms en français : Campanule à feuilles de cochléaire, Campanule à feuilles de raifort.

Descripcioun :
Aquesto pichoto campaneto trachis en tepiero dins lis esboudèu e roucas d'auto e mejano mountagno. Li cambo à flour soun proun primo. L'enflourejado caup de uno à sièis flour, caduno de 12 à 18 mm. Se recounèis subretout bonodi si fueio de la baso emé un long pecou, roundinello emé de dènt (fotò), alor que li di cambo soun en espatulo .

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 3 à 15 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Campanula
Famiho : Campanulaceae

Ordre : Asterales

Coulour de la flour : Vióuleto
Petalo : 5
Ø (o loungour) flour : 1,2 à 1,8 cm
Flourido : Printèms - Estiéu

Sòu : Ca
Autour basso e auto : 800 à 3200 m
Aparado : Noun
Jun à avoust

Liò : Esboudèu - Roucas
Estànci : Mountagnard à Aupen
Couroulougi : Ouroufito-Sud-Éuropenco
Ref. sc. : Campanula cochleariifolia Lam., 1785

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Rumex cristatus & Campanula cochleariifolia

RRR

ges

Coumpara Paciènci(-à-cresto) emé uno autro planto

Coumpara Campaneto(-à-fueio-de-ravanello) emé uno autro planto